朝早搭地鐵返工, 人多擠迫… 眼見一個OL攬住一個好大既LV手袋迫地鐵, 甚為狼孭; 個手袋Size, 我相信可以放得落整個22寸LCD Mon! 但見佢又唔係放左好多野bor! 扁撻撻的…
遠處, 已經有另一個OL曬出不同款式既LV袋! 嘩! 點解我咁醒認得係LV? 無他既, 因為個個LV都係用嗰隻花, 真係遠到對面海都一定睇得出!
講返車廂, 望完左邊望右邊, LV黨又出現, 今次出現係一個LV手袋同一個LV鎖匙包, 唔知個女人搭車做乜無啦啦拎個鎖匙包出黎, 怕且係見有兩股LV妖氣從左右夾擊! 單憑一個小手袋唔夠照, 要駛出新暗器黎還擊!
說時遲, 那時快; 到尖沙咀站後… 新一團既LV盟軍殺至! 兩個女人又係孭LV手袋… 一下子, 整個車廂充滿住LV品味人士, 變左頭等車廂~ 亦都証實有錢孭LV手袋都係要迫地鐵!
—
講到尾, 細細個就被教育著衫同人撞款, 撞色係好不幸既事… 但而家偏偏見到周街都撞LV色, 撞LV Pattern, 仲撞埋LV款添…!
不過大家都好少理, 繼續以LV為榮, 以擁有LV為傲…
都唔明LV有乜靚,個個design年年都係咁上下,d花紋又老套,總之賣得貴就係好野.
我都試過..
(一) 坐係地鐵中.. 對面一行六座位, 三個不認識的人, 用著Gucci
(二) 由sogo往世貿方向行, 短短一條街, 約冇需30步的路程, 有6個用同一款的LV
我指給我老公看這個新款LV, 隨街很容易找到人用.. 我話比我老公聽這款叫"Never Full", 因為個size夠大..大到好像裝極都裝唔滿
點知, 我老公話, 有冇攪錯, 中國人就係想要’常滿’, 點會買個’不常滿’的回家架…..
我有朋友都話一生人一定要擁有一個LV…
但係, 我唔明… 咩叫人生點都要有一個LV? 有LV又代表左乜野?
話你聽,我呢世人最憎係LV同CHANEL…隻隻袋d pattern 一樣,色又唔係靚….無design….nononononononononono