Jaffe的分享空間 Rotating Header Image

September, 2008:

時光隧道

今晚去左睇"二十世紀少年"電影, 故事大綱尚算吸引… 但係我最唔鍾意既片種(少年漫畫改篇); 原本仲係心大心細睇唔睇… 但往往就係呢d時候, 俾人輕輕一推就會做左…
 
好多年冇去過旺角百老匯, 原因只得一個… 太多MK, 人老左, 真係有影院MK恐懼症… 套戲實在太young, 一如所料, 從排隊到入座, 隔離左右都係MK仔女, 好耐都冇呢種同年青人"玩埋一堆"既感覺了~
 
無乜劇情可以分享; 套戲都係嗰d天馬行空大日本維持世界和平與機械怪獸大戰加上例牌咸咸濕濕超誇張表情多靚女多學生妹漫畫情節囉…
(巧合既係, 劇情中美國人登錄月球;  "我的一小步, 人類的一大步", 正好同我地神七既太空漫步來個呼應, 成為全片最有感覺既一幕… )
 
呢套係三部曲之一, 下一部會係09年1月上… 但我絕對相信二, 三集我都唔會去睇…
 
 
散場後, 要行超長既後樓梯落街; 由8樓咁高, tum tum轉行返落地下防火門… 轉下轉下, 突然令我回想起好多好多年前, 學生年代; 個個星期都去旺角百老匯拍拖睇戲既日子… 情況同而家冇分別, 都要tum tum轉, tum tum轉, tum tum轉都未行到落街… 
 
有時只係一種感覺, 一種氣味; 就會勾起一d已經忘記左既往事…

你快樂嗎?

天災人禍連綿, 地球仲捱得幾多年…?
 
遊戲總有終結一日… 記得以前努力喺SIMCITY興建, 縱使夢想城市幾咁繁盛; 臨熄機前總會用十大災害黎催毁整個城市, 睇住消防隊不斷四周搶救, 好過癮… 同而家地球見到既一切有分別嗎?
 
人可以做到既, 只係可以盡力去爭取有時限既快樂…  問題係你有冇咁好彩快樂到死嗰刻, 個天仲未玩夠熄機…
 
唔甘願做凡人, 你努力向上爬…
 
 
"上得了天梯, 破不了天規"

熱血青年

時下年青人有幾熱血? 我相信唔駛講都會知, 近期既吉野家事件, 及唔少其他流傳網上雅俗共賞既自拍短片及照片… 都足以反影時下年青人有幾開放~
 
 
激發我今晚寫呢篇BLOG, 實在要拜今晚放工搭車、係我前面既一對熱血男女所賜… 
 
時下"洋化"風氣, 男同女周街攬攬鍚鍚已經係等閒事… 我亦經常見周街男性攬女, 已經唔單再係膊頭或腰, 經常性會見到佢地掌心岩岩好cup住女性既屁股, 或者豆住女性既胸部黎行… 已經見怪不怪…
 
不過, 今晚見到既事件, 實在令人匪夷所思… 前方既男仔, 同個女仔緊緊咁攬埋一舊, 女仔兩手緊緊攬住個男仔條腰… 而男仔一隻手就從一旁緊緊左至右攬住個女仔既身驅, 另一隻手掌就從後方攝左入個女仔屁股兩塊大肉之間既位置, 令女仔條褲完全攝入股隙之間, 絕對係同標準握保齡球手勢差無幾… 令小弟大開眼界…
 
自己都做過年青人, 對異性既身體的確異常之好奇, 好奇得無時無刻都想去努力鑽探一下新大陸~ 不過總唔會好似時下既年青人咁敢愛敢做… 公開得同狗有乜分別?
 
過多廿年, 可能會坐坐下巴士見到隔離情到濃時當眾黎個口交… 到時我已經係一個亞伯, 可能會心臟病發…

出米石

唔知點解, 公司工作每隔一段時間, 總會諗起出米石的故事…

"在豐山洞後岩石下層間向西面,有一塊大石,名曰:出米石。傳說,早年這石間有一個小洞,每天能從洞裏自動流出米來,而且流出的米,會根據當天寺中僧人和香客的數量而流出多少米。據說,後來這座仙公寺中,有一名貪心的和尚,見每天流出的米量只夠食用,沒有剩餘,便拿出一鋼釺,想將出米洞鑿大,以期每天能夠流出更多的米來。但是,當他把鋼釺插入洞中,便被鉗住不動,無論怎麼拔怎麼搖動都拔不出來,而且出米洞也因此被堵死,再也出不了米了。"

同樣道理, 喺公司做野, 對工作從不托手踭, 越有效率; 滾攪你既人就會越黎越肆無忌憚… 你出米出得越多, 佢地會插得越狠, 直至你副偈打柴先會死心…

當你渾身淌血, 身驅仲攤喺地下抽搐既時候; 冇人會記得你之前時刻俾人輪米… 冇人會回想起佢地曾經插得幾咁狠, 只會投訴你點解冇嘢出…

但願醒來 活在孩童世代

半夜~ 倦極亦不願睡的身驅…
 
坐在電腦台前, 把剩下的半個月餅吃完… 冰凍的維他奶一口氣往肚裡灌… 舒服極了~
 
MSN上的朋友聽見大驚, 宵夜對日漸肥胖的身子絕對沒好處~
 
管他呢?
 
 
近日整理家中雜物, 找到廿年前買的Raidas樂隊CD… 裡面有首歌叫"人海中我是誰", 很喜歡林夕的詞, 當年年紀輕, 對歌詞沒甚感覺… 廿年後的今日再聽, 回想到這二十年來的經歷… 難免有點感慨…
 
有命的話, 還要繼續浮沉半生…
 
 
"曾糊塗期望會有別人觀看我的淚…"

咁多人死, 唔見你…

今日收到朋友轉給我的幾段youtube短片; 一班年青人煲蠟, 將火種散佈到各公共設施, 有影片甚至引爆一支打邊爐用石油氣… 全程用DC拍低, 一眾男女嬉哈大笑, 玩得好開心…
 
 
睇完心都寒埋, 點解人咁鍾意玩火? 玩火不單對自己危險, 對旁邊既無辜路人更唔公平… 對事後負責清理滿地蠟漬既工人更加唔公平!
 
經過三日假期, 唔少公眾休憩地方滿佈煲蠟痕跡, 慘不忍睹…
 
記住, 中秋並唔係奉旨玩火既日子; 玩火破壞既一群"智障"朋友… 咁多人死, 唔見你地死?

久病成醫

近期經過不少科技挫敗, 嘗了百草, 集合了一些有用療法; 希望各界追趕科技玩意的朋友們, 可以在失意的時候參考一下, 或者可以找到解決的泉源
 
已解決:
 
- 在Internet Explorer 7 (Vista), 如果網站連接很慢, 近乎沒有反應; 有可能是NOD32的問題, Uninstall吧!
- 在Vista使用KMPlayer, 請使用EVR作為Video Filter, 否則Vista不能使用硬解
- 在使用Full Screen 1920x1080p播放高清翡翠台, 出現窒格, 但以小視窗播放沒有問題; 可能是天線訊號不足, 使用天線放大器或更換天線可以解決
- KMPlayer連接擴音機, 要成功輸出DTS音效, 必需將sample rate設定到48000khz
- 在Boot機時畫面停頓在Text Mode, 或Windows在啓動中停頓; 檢查是否連接了USB Harddisk? 中斷USB連接即可解決
- USB Harddisk連接後不穩定, 或速度變慢, 甚至不成功連接; 換一條USB Cable吧(通常較粗的好)
- PCI Wireless Adaptor訊號太弱; 大概是因為背後的三條2.4Ghz天線被機箱遮擋了訊號, 買一條2.4Ghz天線Extension Cable去延長其中一條天線, 放上台面即可  
- SATA-2 Harddisk背後有一個jumper可以決定1.5G或3G transfer rate(出廠設定是1.5G); 如買黃金套機, "專業"的電腦從業員一定不懂幫你設定成3G, 請自行拔除jumper(3G)
(17 Sep 2008)
- 原來一直引致Vista藍畫面的竟然是Live Messenger的"Messenger Sharing Folders USN Journal Reader Service", 在Services Menu裡Disable可解決
(23 Sep 2008)
DVBViewer 開心版無法save channel list; 使用管理員模式開啟就可以save channel list及favourite
(13 Oct 2008)
自從在Gigabyte GA-MA78GM-S2H內disable了所謂電源控制模式(好似叫cool-n-quiet?, 很久沒有自動reboot了 ^^)
 
 
未解決:
 
- Gigabyte 780G底版, 使用HDMI接口連接Toshiba 40XF300C 1920x1080p失敗 (最多只能用800×600或VGA頭1280×768)
- 在PowerDVD仍然沒法設定啟動EVR
- 在KMPlayer使用硬解播H264時, 會爆綠格 (Display Card: GF9500GT)
 
 
久病成醫, 玩新科技忽然變成了神農氏; 希望可以造福後人…

夜遊地獄

小李昨晚發了一個怪夢…

死後被懲戒入地獄工作,派到一爆石場…

場內有苦工數十,不斷鋤地揼石仔, 辛苦非常… 圍外數名清潔工, 亦忙於清理爆出來亂糟糟的碎石… 執拾爛攤子…

小李上前幫忙清理… 被罵: "滾回你的崗位去! 這是經理的工作!!!"

帶點無奈的小李, 只好拿起鎚仔, 往幫忙揼石仔…

甚料, 後腦突然被狠狠敲了一下… 被大罵: "低級員工! 滾遠點! 這是總裁的工作!!!"

 

朋友等級

日前跟朋友談天, 談及"朋友"這話題; 在很多人的心目中, 會把朋友分類… 據相熟程度及時間去釐定朋友等級…

我坦然說, 朋友很難分類, 而事實上, 如硬著要分類, 感覺也會很糢糊…

小學生的時候, 總會把某幾位經常在一起的同學朋友標籤為"死黨", "BEST FRIEND"…

成長中, 不同時期會跟不同的朋友一起, 做不同的事; 發覺, 這些所謂"BEST FRIEND", 原來只是局限於某些共同興趣… 例如, 到機舖打機, 總會找某幾個特定的"BEST FRIEND"; 而逛電腦商店, 也會有不同的"BEST FRIEND"… 所以每每有人問我, 你的"BEST FRIEND"是誰? 我也會啞口無言…

曾經, 我在自己的朋友中挑選了某位, 認為他是我"BEST FRIEND"; 下次再有人問起的時候, 可以聯想得到…

當你把朋友分類成"BEST FRIEND"以後, 你發覺他並不會有任何改變…

他依然是另一個人,
他不一定會對你奉獻精神時間…
他更不一定會放下工作來聽你傾訴心事…

但你自覺對"BEST FRIEND"有責任, 任何事情也得為他設想… 他的問題變了你的問題… 他的煩惱變了你的煩惱… 糟透了! $@#%#%ter

最後, 還是覺得沒有"BEST FRIEND"比較經鬆吧?…

      http://media.imeem.com/m/rG4xlJEJvP/aus=true/

麻煩自找

換了新硬碟, 家中的PC要重裝… 在決擇OS的時候, 忽然有裝Vista的念頭…
 
多個同事及朋友, 千叮萬囑別去踫Vista的東西! 但抱著好奇的心態… 決定試一試這新的OS…
 
終於, 陪上了整個週末… 產生了的問題千奇百怪, 從沒想過會錯的基本功能也可柒得一敗塗地…
 
- 要面對全新的Windows介面, 大部份常用功能都搬家了! 想找"裝置管理員"也要花上半天時間!
- 很辛苦才找回vista兼容的device driver和software
- 身為系統管理員竟沒權刪除install時產生出來的temp file
- 播bluray碟時, 間中會自動restart
- 最後IE竟連不上internet (最後確定NOD32跟IE7唔夾!)
- BIOS的SATA AHCI Mode又會引致不能Load Vista
- 衰到連experience index都可以唔見左!
 
 
苦戰兩日兩夜, 第二次重裝令Vista正常操作(暫時)…
 
幸好這台PC只用來平日看影片及BT, 跟日常上網及工作沒大關係, 否則過多的用量肯定會引發更多潛在問題!
 
奉勸一句, 平日常用的PC, 還是別碰Vista為妙!
 
(嗚謝WL的熱心幫助, 否則我早已把Vista還原回XP了!)