晚間新聞, 留意到一則非常駭人聽聞既消息…
—
男警涉嫌在警署強姦少女 (23:35)
2008年11月26日
警方今午拘捕一名二十九歲男警員，他涉嫌與周一晚一名十九歲女子於旺角警署內懷疑被強姦的案件有關。
2008年11月26日
警方今午拘捕一名二十九歲男警員，他涉嫌與周一晚一名十九歲女子於旺角警署內懷疑被強姦的案件有關。
他將稍後被落案控以一項強姦罪，明天在九龍城裁判法院提堂。
(明報即時新聞)
—
所謂, "最危險"既地方係最安全, 相反… 警署被喻為"最安全"既地方… 難道真係好似無間道電影情節一般, 滿佈陰森?
一個男警竟然可以係警署內強姦少女!?
即時令我產生好多疑團… 假如該警員有意強姦, 而事發地點係警署之內, 咁有乜野因素令佢覺得可以犯案呢? 如非一心打算一洩之後坐返幾年, 難道有信心不被同袍發現? 又或者覺得少女會啞忍, 俾人強完當無數? 又甚至會有人隻眼開隻眼閉兼把關?
我由入機舖打機年代開始, 已經絕對肯定警察並非幼稚園思想所認知般正義… 警察, 正確黎講, 只屬於政府請既"實Q", 入職資格寬鬆, 基本上想做就可以做, 飯碗又穩如泰山, 無論經濟幾差, 亦永遠唔會俾人裁員… 如非闖下離天大禍兼斷正, 都唔會"燉冬菇" … 所以只要你想有份穩定工, 你絕對可以投身警界為終生職業…
當然, 呢篇blog並非打盡一船為市民效力既警員, 只係惋惜害群之馬無處不在, 甚至所謂最令人值得信任的警察, 醫生, 老師也不乏陰險小人踪跡… 近日不斷傳出相關醜聞…
試問仲有咩人可以絕對信任? 仲有邊個可以安心依靠呢?
是資訊發達令醜事傳千里, 還是人類道德正逐漸淪亡?
, 之後由二樓出電梯… 電梯當然唔會立即返地面, 眼見電梯不斷向上每一層都停… 如果要等佢回巢, 我相信都要花十數分鐘… 
, 否則真係欲哭無淚… 夜媽媽仲要係大堂呆等…
彩虹橋