Jaffe的分享空間 Rotating Header Image

August, 2008:

將會打八號風球的黃昏, 懷著輕鬆心情回家, 預計明天應該會打大風… 大多不用上班… 希望靜靜地在家中休息一下…
 
巴士站旁, 排著長長的人龍; 巴士到站, 車門正打開時, 突然從旁閃出一個大漢, 黑皮膚, 目露凶光, 狠狠地插到人龍的最前, 沒啥付出的成為上車的第一人… 反正巴士上位置還多, 沒有一個人敢將大漢責罵, 大概跟這看似沒教養的老粗鬥氣是絕對沒好處, 把這口氣乾乾嚥下喉嚨…
 
本來輕鬆的心情忽然變得沒趣; 眼見社會上實在充斥太多這種惡霸, 人類本身亦太弱少, 很多不平事都只好啞忍… 沒幾, 巴士從另一站開出時, 離站十數米位置, 站著一位中年先生, 發力揮手要上車… 司機亦徐徐把車停下, 再叮囑那位人兄下次等車緊記要站在巴士站旁邊… 甚料那位人兄以極之厭惡的眼神勵著司機, 好像教訓他是極大罪過般… 司機亦無奈地繼續開車…
 
原本跟我沒大關係的兩件事件, 已經夠令我的心情很不舒服; 當心情反覆地嘆息的時候, 在停車燈位置, 看到馬路中敞著一位老婦, 手腳不規則地依在路上… 看似被一輛輕型貨車所撞倒, 應該是剛剛才發生… 貨車司機緊張得不知所措, 而路旁亦漸漸多人圍觀… 巴士慢慢地駛過意外現場…
 
此刻, 心情一沉… 跌至最低點… 這邊廂人類在不擇手段去爭取所需, 那邊廂才醒覺, 人類倒頭來還是不堪一擊; 種種天災人禍上, 人類仍然是弱如螞蟻… 萬般仍是帶不走…

愛情是…

星期日去左朋友在銅鑼灣既水晶店打躉, 吹吹水…
 
朋友既水晶店開業多年, 早已集合左一班常客豪客, 所以在業主瘋狂加租下, 業務收益仍能蒸蒸日上…
 
朋友除精通水晶能量, 仲對紫微斗數有研究, 短短在舖內打躉兩個幾鐘, 已經不下數個熟客在購物之餘, 要求老板"贈多兩句"…
 
 
在旁無心快聽之下, 發現班師奶絕非等閒之軰, 除左d錢多到冇掟駛, 路過隨手可以買幾萬蚊水晶之外; 仲異常之得閒, 閒來最鍾意坐埋傾下家庭鎖碎事, 或研究下事業愛情既術數…
 
某時某刻, 來了個女人, 從朋友口中得知是"大客", 表面看來… 只係一個三十出頭既女人, 如果唔係佢不忌諱係眾人面前要求我朋友算一下佢幾時有得拍拖, 我仲會以為佢已經結左婚, 生左仔…
 
女人到左某個年紀, 似乎真係從早到晚都只係諗住要個男人… 儘管我朋友亦幫佢算事業家庭; 從旁聽者既角度, 佢只對愛情呢一範有興趣~
 
令我驚訝既係, 對愛情燌心似火既佢, 原來要求對象還是尖酸刻薄…
 
其中, 我朋友話: "你既對象, 將會係一個強者, 強者謂… 可能係地位高, 或者身體強壯都算…"
女大驚: "嘩! 唔好俾個做地盤既我呀千其… 係就慘囉…"
 
我相信當刻我比呢個女人仲驚, 因為我絕對相信個女人夠能力養起呢位幸運既地盤佬, 甚至讓佢一世無憂… 奈何呢位女士職業岐視, 連個男人係咩人品都未諗, 就已經關左佢個大蓬門… 唔怪得個個亞媽都唔想個仔做地盤…
 
當日我不禁一再偷偷向呢位女士打量, 真係除左有錢, 發現唔到佢邊忽有女性既吸引.. 同時亦發覺佢講完之後都啤左我一眼…  幸好我衣著應該唔似地盤工人, 否則佢一定會向我投以鄙視目光!

有咩幫到你?!

近期需要添置電腦, 常逛香港各大電腦商場(下稱腦場)等烏煙瘴氣之地; 我極抗拒逛腦場, 原因好簡單, 因為絕對係苦事…

首先, 現今電腦普及程度, 令各腦場, 特別係"高登", 每日都好似花市一樣, 人多擠塞, 根本寸步難行, 莫講話慢慢睇有乜心水科技產品, 連停落黎睇下廚窗既機會都唔多… 就俾人推住前進…

再者, 因為實在人流太多, 各商舖紛紛大量騁請銷售員, 務求以人釘人戰術, 拉多一個就一個… 而正好如此, 每年銷售員既專業水平只有不斷敗壞…

說逛腦場, 要提一下常聽但最令人煩厭既說話… 都可算係: "先生, 有咩幫到你?"

其實, 平時佢地根本無野可以幫我, 因為我相信大部份人都好似我咁, 純綷睇下有乜新產品推出, 吸唔吸引到自己購買… 一間大舖既廚窗, 已足令我停留十數分鐘… 可惜, 係呢個人浮於事既高登腦場, 所有大廚窗, 其實已經俾班企晒出走廊店員阻住大部份, 要睇… 就要不斷受佢地既問候: "先生, 有咩幫到你?"

我初期仲懷住一份天真既希冀, 渴望佢真係可以幫到我; 而事實上, 我雖然身為IT人, 但硬件知識實在遠遠追不上潮流, 在需要購買新硬件既時候, 的確需要人指教…

當真正需要銷售員"幫"既時候, 方知佢地既所謂"幫", 無比既令我驚訝…

首先, 最令我驚訝既係佢地知識水平貪乏, 竟然遠不如一個平日連e-zone都甚少睇既所謂IT人(即係本人)

當半年前itx底板剛成話題之時, 去高登問十間, 著有九間連itx呢個term都聽得一頭霧水; 有d少年得志, 甚至糾正我既詢問: "先生, itx?! atx呀? 你記錯了" (orz, 實在給我上左好好既一課, 先聲奪人, 實在值得欽敬!)

上星期打算買一塊可當htpc的底版, 計劃買有coxial(或稱同軸輸出)的型號; 細問之下, 竟然有一半以上對coxial呢個term都莫明奇妙, 甚至吹水亂指一通, 將heatpipe(散熱管)技術當作coxial功能介紹…

最令我啼笑皆非, 都算係關於光纖的問題…

我指住底版上的光纖插頭, 問店員: "係唔係可以接駁擴音機?"
店員一臉得戚地說: "唔係音響用既, 是用黎傳數據的…"
我莫明奇妙, 再問: "用黎傳咩數據?"
店員啞口無言, 在旁的店員B"幫拖", 說: "係呀… sp… 呢個係sp… xxx頭, err… hmm… 新野黎架, 傳數據用…"
我開始佔上風, 再追問: "咁即係唔係插光纖線…?"
店員B: "err… 呀! 都係光纖頭, 不過唔係接擴音機囉…"

問到當時, 我已經可以100%肯定, 佢地已經油盡燈枯, 心裡面應該只想我快d放過佢地… 而我都無興趣再追問… 其實, 我問呢個問題並非刻意刁難, 我只係想證實下底版上那塊小小的黑色是否光纖插, 其實我睇唔清楚, 想確實下姐…

當店員說是spxxx時候, 我都好相信佢係好想講spdif, 但係就溫得唔熟書囉…

最後, 今日突發性想去買一個pc用既遙控器; 只係一件小小既電腦附屬品, 但問左大約五間舖, 冇一間既回覆令我有信心件產品適合我家中pc使用; 所以… 最終都係決定返屋企上網, 先搜集一下有關既討論, 再去選購…

話說回頭, 我大造文章並非岐視呢班電腦從業員, 但係佢地大部份都對自己份職業一竅不通, 只有資格被稱為人肉報價或拉客機, 因為佢地連一個唔留意硬件行情既"行外人"顧客都應付唔到… 又有咩可以幫到顧客呢? 唯一, 佢地可以幫到既係, 彈開遠d… 俾顧客靜靜地觀看廚窗既陳列品… 顧客有需要既時候, 自然會問佢地價錢…

另外, 近年常聽到一句新腦場用語: "睇岩介紹返", 純機械式既口語… 不斷係我耳邊穿梭… 甚為"硬"耳… 同埋, 我打死都唔相信我睇岩左一件產品, 佢可以"介紹返"d功能俾我聽囉…

發洩完畢, 繼續我的硬件資料搜集…

時日太快

忙了差不多一整年… 凌宅的搬遷及舊居大翻新計劃算是圓滿結束…
 
多年的理想終於實現, 家人年初已經搬到較舒適寬闊的新居; 而舊居經過翻新後, 變成了我一人獨佔的天地…

 

 
由上年開始物色新居, 辦理所有煩複樓宇事務, 家人搬遷, 舊居翻新, 大小裝修事宜; 從未預期的種種難題, 費索思量, 煩惱佔據了生活大部份的時間…
 
以往一直活在父母懷抱的小孩, 很多家事都不用去處理, 現在獨自生活… 變成了每事忙, 發覺以往是多麼的幸福; 同時亦明白到要給自己及家人一個理想居所, 亦不是想像中的輕易… 深深體會到父母以往為家庭付出的辛勞…