Jaffe的分享空間 Rotating Header Image

August, 2005:

天使的禮物

收到了!

一份五年前送出的禮物, 以為早已遺失; 終於, 輾輾轉轉, 經過連綿的壞天氣後, 不為意地送到了我手上…

沒話需要再說, 多謝需要多謝的人們…

我做得到!

花了點點時間, 把相簿的功能作了點改動, 變成可以播放video的相簿! 其實一早在坊間已經有d完成的module, 裝在相簿上便可以, 但… 一時技癢, 還是自己動動手把它寫好了!

做了這個, 來看看吧!

相簿搬離fotxp.net後, 很多功能都可以”我話事”, 像鬆了枷鎖… 做任何改動也得心應手! 沒有以前寄人籬下既淒涼感覺! (咦? 我係客戶, 竟然有咁既感覺… 真怪!)

(特別要多謝DHL, 不常看電視的我… 差點錯過了這廣告, 多得網友給我找來這段廣告)

朱古力獎門人

剛過去既星期五, 睇左一套叫”朱古力獎門人”既戲, 原本聽個名已經冇乜興趣, 太兒童片感覺… 不過近期的確需要多點童真, 所以去了補習一下!

(香港既戲名, 有時真係好令人失望… 自命有趣, 食下字, 用下流行詞語就以為好吸引… 乾趣叫”查里與朱古力工廠”吧! 為什麼不這樣叫? 怕是怕人說沒有創意吧!?)

個人非常喜愛首半小時, 交待了窮小子charlie跟家人清貧但溫馨的生活, wonka朱古力工廠的背景, 及得到golden ticket的過程! 劇情有點老套, 但… 至少我很接受!

進入了朱古力工廠後的劇情, 其實好悶… 不過幸好精心安排的場境, 道具, 工廠員工角色, 精采歌舞令觀眾樂在其中!

- 幾位小演員跟家長角色(當然除了charlie), 樣貌都好令人討厭, 大概是選角的成功吧!

- 小矮人Oompa-Loompas實在搶鏡, 精采的載歌載舞又是一絕! 一樣既樣貌, 分飾不同角色就為整套戲增加不少樂趣!

- 松鼠工友角色可愛得要死! 竉物店的鼠類生意怕又會上升了!

- Johnny depp演譯既wonka, 除了製造糖果的才華外, 其他可說是一團糟, 連說話也有困難 (語氣倒跟”龍咁威”中既鄭中基有幾分相似… 實在有點兒那個突然…)

整套戲除左怪怪誕誕之外, 其實都帶有點點訊息, 親情可貴是也…

快快樂樂地攝影 (一)

昨天影了一輯新相, 可說是近期比較滿意既一輯作品, 從網上放相的數量, 以及評論回應的數目和意見… 算是不錯 :>

今次場地都比較特別… 同行的影友只有1位, 不經不覺, 原來跟Jerry一起攝影已有兩年多, 可以稱為合作無間吧… 大家各自有了明顯要走的風格, 不怕idea相撞, 同時又可互相參考, 相輔相乘!

很奇怪, 拍攝的當日, 心裡總是不斷浮現一d攝影論, 可以說是分心? 也可以說是不斷豐富了拍攝時的信心… 現在跟大家分享下吧:

攝影技術:
其實控制相機來來去去都是光圈, 快門, 焦距組合; 要談攝影技術, 經驗就是大於一切, 臨場的發揮, 隨機應變, 配合著以下項目, 結合出滿意既作品!

Model:
漂亮的主角, 永遠是人像照片的靈魂; 雖說憑攝影師的經驗應該可把任何人拍得很好看… 但如果Model本身已有一張漂亮的臉, 不是更好嗎? Model的外表重要, 其次… 態度及經驗也很重要, 難道你想跟一個人型barbie拍照嗎?

化粧:
剛開始攝影時, 從沒想到化粧原來是這樣重要! 我所說的化粧, 包括了髮型… 成功的化粧, 需要配合照片的主題, 服裝和場境!

服裝:
總不能穿著T-shirt短褲來演譯一輯夜景照片吧? 事前的服裝構思也少不了…

道具:
適當的道具配合, 可令主題更突出, 但有時候也要留意道具的用法, 否則弄巧反拙就唔好啦!

場地:
一個特別既攝影場地, 可以令相片可觀性增強不少! 其實身邊有不少理想的拍攝地點, 可惜… 很多都不能拍照, 特别是商場, 店舖內… 還有, 一些偏遠的地方, 通常都是拍照的好地方!

器材:
重要, 但不是太重要… 重要的是, 需要選擇合適的工具, 能認識每種工具的特性用法, 才懂得為每次拍攝選擇器材; 不太重要的是… 並非一定是最貴的器材才可以拍得好相… 最貴重既器材, 通常只會”長期放在防潮箱”, 等炒價貴了, 再放出圖利… 不是用來攝影的!

拍擋:
適合的攝影拍擋, 一向都是拍攝一輯好相片不可缺少的… 拍擋的作用: 小則幫忙持補光工具, 整理雜物; 大則可以互補長短, 提供意見, 甚至教懂你一些攝影上的新知, 給你啓發…

要寫的還有許多! 先寫到這裡吧, 有機會再寫… (肚裡的墨水剛用盡了!)

(備註: 不是專業攝影論, 只志在分享; 小器的朋友們… 別說我胡言亂語!)

笑看BT

玩左BT都一段長日子, 以前BT只是一小群人分享檔案的新工具, 經過電視、報紙、雜誌、新聞的大肆渲染, 現在的BT變成無人不知, 無人不曉… 版權持有人及港府的協力打擊, 似乎有了”很成功”的反效果!

什麼可經過互聯網傳送的, 差不多都可以在BT上找到! 電腦軟件/音樂/影像/電視遊戲/電視劇/收音機節目/新聞/小說/雜誌/相片… 真係乜都有!

寫關於BT的文章, 在報紙雜誌上已經看得好厭! 觸發我寫這篇網上BT文章的… 是其中一班我很佩服既香港BT使用者: 佢地貫徹始終咁實現左曾志偉先生發表既一番話, “Bad Taste”之餘, 仲好”乞兒”添…

在BT newsgroup, BT forum上… 所見所聞實在令人大開眼界:

不要臉, 沒自尊的乞兒
可以用”跪求”、”裸求”、”雪地裸求” 呢d咁既詞語在網上求BT種子的人, 完全將自己既自尊出賣, 為既可能只係區區幾十元可以買到既一隻CD, 或VCD的影片, 實在可悲!

自大, 沒禮貎的乞兒
直截了當, “命令”BT網友自動奉獻:
“請儘快seed [某xx歌星]所有的大碟!”
“買左[邊個邊個]vcd既人, 快d seed出黎啦, 唔好咁自私!!!”
(估唔到呢個世界可以係咁?)

品味高尚, 有要求的乞兒
估唔到BT既用戶, 都不乏對質素有嚴格要求既人:
“請保留DTS sound track, D9唔該分兩隻cut開, 不要壓縮成D5, 免影響畫質”
“有冇攪錯呀? 咁差既d畫質, 整好d嘛! $#!#$@^^%&%”
“喂! 國語版既?! 正版先好seed出黎嘛!”
(有要求係好, 但係… 似乎呢d moment, 你應該去”買”囉)

扮專業樂評, 影評, 勞”蘇”乞兒
好多人鍾意趙完唱, BT完既音樂, 特別係電影… 可以聽完睇完後彈到一文不值!
“咩戲黎架? 都唔知佢拍乜? 五蚊都唔會買!”
“成隻碟冇首好聽! 正一垃圾歌手! 香港樂壇玩完啦!”

走在時代尖端, 前衛的乞兒
某電影才岩岩上影第一日, 已經開始問有冇BT種子… 或者, 早係某唱片推出之前, 已經捕係newsgroup面前日問夜問: “請seed[邊個邊個]既新大碟”
(話雖如此, 竟然係有人會有樣學樣既… 出齊”support”, “支持”, “贊成” 等語句一齊努力等著奇蹟)

小器, 驚死蝕底的乞兒
寛頻供應商有快有慢, 我見過唔少”高速”既用戶, 極不滿”慢速”既用戶… 下載多, 上載少, 惡言相向:
“網上行班X街, 剩係識得食, 放又少! 一齊ban晒佢地!”
“就係佢地攪到成個世界慢晒!”
(以我所見, BT既技術, 個別慢速用戶應該唔會影響最速度架喎? 可能影響既, 只係小器鬼既心情…)

最後: 怕死, 沒腦袋的乞兒
BT版權物品, 大家都知係”犯法”既… 想當日, 好多用戶都回避既時候, 一班”看似”大膽, 其實超級露底牌既BT用戶, 紛紛出黎係forum/newsgroup鬧生晒:
“我又唔信佢捉到我呀! 死海關!”
“隱藏左IP, 佢邊搵到我呀? 我先唔驚呀!”
“大家Seed 99%就停啦, 就算俾海關捉到, 都告唔入架, 因為唔完整, 佢吹我地唔漲!”
“支持古惑天皇, 實告唔入!!!”
(話時話, 腥風血雨果排, 雖然個個大大聲鬧呢鬧路, 又話唔驚又剩… 但係, 網上真係一個seed都冇人出過!)

結語
本文志在分享一下在BT日子的所見”趣事”, 並非刻意冒犯(假如你覺得我話緊你)

最後… “良好BT態度: 先試後買”, 覺得好既… 買隻正版支持下啦!