Jaffe的分享空間 Rotating Header Image

December, 2008:

明知故犯

愛難再說理智… 當局者往往不由自主地戀上痛楚, 迎接苦果… 縱然作旁觀時多麼清醒, 一旦發生在自己身上… 亦難免能醫不自醫… (縱怨天)
 
 
自從Shirley在演唱會上翻唱許美靜呢首舊歌… 歌詞便再次深深地刻在腦海中… Shirley, 你真"玩野"…
 
雖然我是Shirley既狂迷, 但我仍然喜愛原唱版本…
 
 
詞: 林夕
 
為何要落淚 落淚仍要一個面對
無謂的負累 怎麼不忍失去
其實我不怪誰 在你掌心裡
偏偏我要孤單寄居
 
為何要恐懼 寂寞時欠一個伴侶
甜蜜中受罪 怎麼講都不對
無論你想愛誰 在你掌握裡
我熱情隨時在手裡
 
誰也知夜夜與他那內情 可惜我瞎了眼睛 
真相那需說明 而我卻哼不出半聲
 
誰也知夜夜與他那內情 甘心去做你佈景
得到你的愛情 還要再得到你任性
 
一切 原是註定 因我跟你都任性
 

   

海闊天空

冬至日的下午, 從沙田回家… 巴士上安然坐著, 挽著兩袋不常見的"戰利品"… 晚上再回娘家食冬至飯…
 
忽然前兩行既一位大叔, 轉身大罵坐在其座後的四眼仔: "喂! 四眼仔, 你咪撚再踼凳啦喎, 忍你好耐!"
 
四眼仔約三十多歲, 略胖, 一臉輕挑, 不甘受辱… 還擊道: "幾撚時踢你呀? 唔鍾意就坐前兩行丫! 再唔係搭的士丫!"
 
然後一輪大舌戰, 最後大叔忍唔住起身"兇"四眼仔… 並開始出手推撞: "你試下再講丫, 我同你隻抽"… 巴士上乘客開始議論紛紛… 並有好言相向, 希望停止將會發生的暴力事件…
 
可惜四眼仔似乎當亞叔流, 繼續串串貢… "你試下打丫, 我按左999, 你一打我, 我就打去報警…" 點知亞叔火遮眼, 一手鍊落四眼仔頸上… 作狀打佢… 四眼仔立即飛奔往下層樓梯, 並警告已報警, 呼叫: "我報左警! 你死撚梗!"
 
巴士行駛了不到四個站, 在大圍的巴士站停了車… 似乎四眼仔已通知司機停車等候警察來臨…
 
在站停了約十五分鐘, 乘客紛紛報以不滿聲音… 因為大多數乘客都正趕往市區與親友吃冬至飯… 在不到二十分鐘內… 乘客大部份已轉乘其他巴士離去… 轉眼間, 巴士上層只剩下我… 同前兩行既大叔… 反正我不趕時間… 從袋中拿出一本書, 大好機會"靜靜地"翻看… 而大叔亦連番跟我道歉, 非常內疚脾氣擔誤了我的時間… 而我卻懶瀟洒回應: "沒事, 我反正不趕時間, 還可以看下書…"
 
在巴士站的等候的乘客議論紛紛… 眼光不時打量著我身前的巴士大叔, 再轉投在我身上… 奇怪著為何全車人已下車… 只剩兩人? 其中一個還施然地看書…
 
既然上層乘客全部離去… 我已做足心理準備要當"証人"… 甚料半小時過後, 警察仍然未到… 突然, 巴士司機走到上層, 請我離開… 並帶我到另一輛同號巴士轉乘… 臨離開巴士前, 我看到四眼仔跟離開的人(包括我, 及一些下層的老人家, 手抱嬰兒的女人)連聲說對不起… 而沒一對眼願跟他接觸(包括我)… 絕對是無聲的抗議…
 
其實, 兩位爭吵仁兄都是正常人… 並非十惡不赦, 起碼會跟受影響的人道歉… 但道歉無補於事… 因為已經嚴重影響了無辜的同路人… 其實巴士座位狹窄, 跟前座位碰撞在所難免, 為一時之氣互不忍讓, 由兩個人的小事, 變成大班人的不便… 實在不值…
 
退一步, 你未必海闊天空… 但至少你還未令人討厭…

連自己都不愛

晚上, 如常地吃著"寡佬晚餐"… 今晚的主菜是油渣麵… … 從小吃到大, 肥膩的油渣配上濃濃的辣菜甫, 還是那麼美味…
 
吃著, 想到朋友所謂的"不健康"… 每晚都吃著一些喻為不健康的食物… 油渣麵, 燒味飯, 那咋麵, 麥記, 牛雜, 煎饟三寶, 甚至雞蛋仔, 栗子, 公仔點心… 最"健康"還不是茶餐廳的豆腐火腩, 魚香茄子, 金菇牛肉, 椒鹽排骨… 偱環不斷… 好像還沒找到厭倦的期限…
 
"不懂愛惜身體"似乎已經刻在本人額頭上… 什麼膽固醇, 脂肪, 高糖, 高鹽, 纖維缺乏通通叫糊… 還差沒有實在測試這堆指數…
 
我相信, 可以挑選自己喜愛的食物, 愉快地大口吃著, 是偉大的愛… 犧牲了未來健康, 換取心靈快感… 不須把一些還沒有談過戀愛的無味食物塞進嘴裡填肚…
 
愛需要付出, 乾說愛沒有用… 資源有限, 難免要犧牲…
 
誰還說我不懂愛? 只是你沒去欣賞…

續夢

偶然夢中醒來, 半夢半醒間還依稀記得夢境內容… 是惡夢, 固然抹一把汗, 慶幸並非事實… 相反, 如從甜夢中醒來, 往往好事未完… 急急閉眼回睡去… 間中也可以再續好夢…
 
夢境中早感到只是一個夢, 都是身陷險境中的意識… 無故為何被壞人追殺? 大概只是一個夢吧? 就在受難一刻… 夢醒來, 還好… 只是在發夢, 沒危險, 也沒須要畏懼…
 
同樣地, 清醒時也偶然像做夢般過日, 這是個好夢…  我並不想夢醒…
 
如果這是夢, 明知最終一定會醒來… 而且更會發生在你最不捨的時候… 如果是這樣, 我可以閉上眼, 讓這夢繼續嗎?

悲哀回憶

偶然在有線新聞睇到有關70號巴士將停駛, 今天是最後一天的服務…
 
大量市民湧到上水及佐敦巴士站瘋狂拍照, 甚至來回乘搭, 紀念一番…
 
唔明既係, 一條巴士線, 竟可以令咁多人去擁著去懷念… 到底有乜野值得懷念既地方呢? 我唔知, 可能對某些人特別有意義, 跟老婆求婚, 第一次拖手, 濕吻, 兒子在車上突然識叫爸爸云云… 人人亦有唔同… 但我絕對相信, 大部份去懷念的人跟這條路線根本沒撚關係, 不少人只憑人搭我又搭, 人影我又影, 慌死蝕底, 或抱住再唔試就冇既心態去做… 或可在其他人前得到點點虛榮吧?
 
誰知, 或許在某年某月… 一眾朋友在談論巴士線時, 可以高談闊論一下自己乘坐過尾班70號巴士, 或拿出舊相片絃耀一番吧? 也許… 這天從不會來臨, 但嘗試過總不會蝕底吧?
 
可能, 大家近年都中了所謂集體回憶既毒… 人人都有回憶, 自己都隨便找一些來回憶一番, 免得被人覺得你是個沒有回憶, 甚至沒有活過的笨蛋…
 
而我更相信, 為了不被人看扁而給自己強加一些回憶, 是悲哀…

原來過得很快樂

所謂沒有希望, 亦沒有失望… 言而, 凡事順應天命, 沒奢侈的慾望… 可每天安心入眠… 快樂就係可以咁簡單…
 
六根未淨, 慾望偶爾到訪, 令人產生煩惱… 莫說工作, 進食, 消閒甚至睡眠, 煩惱無時無刻纏繞著腦海… 得到, 得不到也一樣花光心血; 隨著慾望增長, 與快樂距離越黎越遠了…
 
知足常樂, 還要追求什麼呢?
 
三更半夜還蹍轉未眠… 回望過去; 原來過得很快樂, 只我一人未發覺…

因為、所以

並非挖苦的時候, 但某程度港人姓賴既問題越趨嚴重…

日前一對港人夫婦因曼谷機場停運, 趕夜車往布吉機場途中遇上車禍致一死一傷… 導致民間呼聲四起, 狂轟港府遲遲唔派包機前住泰國作救兵, 所以死者是給政府累死… 聽罷, 真係覺得d人乜都賴得一餐…

當然, 如認同"蝴蝶效應"理論, 的確有可能因為港府派遲左包機, 引致呢對夫婦唔能夠在曼谷登機而要轉去布吉, 而如果佢地唔駛轉去布吉, 就唔須要搭夜車… 而如果唔須要搭夜車, 可能又唔會遇上呢宗意外…

但同樣道理, 如果呢對夫婦聽取政府早前奉勸市民非必要就唔好到泰國, 亦可能唔會遇上意外…

我覺得已經攪出人命, 再就事件理論誰對與錯並非洽當, 亦不尊重死者及家人… 仍然希望趁機攪事者唔該早抖… 唔好再將啲"因為、所以"掛係口邊; 事件未平息, 仲有問題在前, 有排都未輪到追究既時候…

救市?

政府千方百計諗救市方案; 要刺激市民消費, 又消費券, 又抽獎又剩…

計我話, 唔駛啦~ 其實d人錢在銀行多到瀉, 經過以往咁多次金融風暴又沙士云云, 呢個所謂金融海嘯, 真正有經驗又有錢既人, 奶野咪又係有限數… 身家無一半一樣樂消遙…

近來香港"影壇"熱鬧得很, 繼Nikon推出D3, D700… 令到萬千影友千金散盡還復來, 幾皮幾皮咁去換System, 視錢財如糞土…

上星期… Canon又推出5d Mark II, 呢套野, 動輒又要花上兩三萬… 不斷聽某某朋友又想買, 某某朋友又訂貨, 某某朋友仲已經買左… 照數手指已經不下3, 4個人買左… 亦有5, 6人正打算購買… 可惜第一水貨已在即日斷市…

一部消閒相機售價高於兩萬, 本來只應該係一小撮狂迷既目標, 但係眼見購買既人心急如焚… 兩萬身價既名貴器材視如無物…

心想… 所謂刺激消費… 其實歸根究底… 都係應該由最基本開始, 做一件有誠意既產品… 咁咪自然多人搶囉!