愚人節的放工時間, 微雨…
徐步到公司附近的捐血中心, 響應一下紅十字會近期的血庫告急行動 (特別是我的B血型)
看一看紀錄, 已經10年沒有捐血; 上次的紀錄日期… 竟是98年2月! 不經意已過了10年!
—
難料的竟是捐血中心排大隊, 等了差不多個半小時才到我~ 在我之前很多號碼已經等不耐煩而一早離開了!
捐血並不可怕, 躺到捐血椅上, 手臂上紮住那緊緊的束帶, 在等待捐血的十分鐘… 忽然竟有點寒起來~
—
捐血時間為11分鐘, 一共抽了我500cc的血; 這11分鐘並不難過, 因為相繼有兩位謢士姨姨, 及一位謢士叔叔跟我搭訕… 可能他們測試我有沒有半途被KO罷?
幸好, 我還可以保持對答如流~ 令他們的OT平添一點點歡樂… 不錯!!! 是他們OT… 全體員工陪我這個愚人節最後的捐血者狂谷500cc的鮮血~
對話尾段, 較熟落後較為輕鬆:
姑娘: 點解10年咁耐唔黎呀?
我: (一時回佢唔到) … err… 而家你咪等到囉!
姑娘: 下次唔好7點咁遲先上黎啦! (不忿中…)
我: 我放工都成7點啦! 點早jack!
姑娘: 你星期日唔黎? 假期唔黎? 清明(2日後)唔黎?
我: 好! 我就清明返黎搵你…
姑娘: 下次最快要三個月後呀!
我: 哦! 咁我下年清明返黎搵你…
姑娘: …
—
成功出血後, 姑娘在落閘前送上B血型襟針… 隨手拿上看看, 忽然覺得有絲絲溫暖… 上面彷彿勉勵著"Be Positve" 近期的怨氣在那一刻全消…
咁都得…
下次都係揾謢士姐姐啦.
我喜歡你的"Be Positive"
… oops… 仔…
終於把你找著了… 原來我地係同 "型" 的…
… 一直流住同一條血脈… 係同一條血路上相遇相認…
B+ 娜