Jaffe的分享空間 Rotating Header Image

好唔好

失望再失望 – Magic-Pro ProMini 8000

到底要幾失望, 一個用家先會抽時間打篇blog黎投訴一件產品呢?

話說上年年尾, 購入輝煌Magic-Pro既一款外置式充電池, 打算去長途旅行用; 被Magic-Pro呢隻ProMini 8000 Spec吸引, 加上廠商名都叫聽過… 雖比其他牌子同類款式稍貴, 亦都選擇左佢!

點知, 惡夢就咁開始…

在旅行前用左兩個月, 都好地地既, 點知… 抵達旅行目的地既第一個晚上, 部電話電池所餘無幾, 諗住充電… 就發現個外置電突然壞左… 竟然無電出, 但面版上既LCD燈均顯示正常, 只係電話完全無反應, 彷如無插電線一樣!

人在外地, 人生路不熟, 要靠晒部電話上既GPS地圖, 上網搵資料喎… 而家流落異鄉加上就快無電先臨時失效, 內心異常之徬徨…

但當時我仲天真到覺得只係條usb線壞, 對輝煌粒電仲充滿信心… 急忙搵到間當地便利店, 以超貴既價錢買左個AC充電套裝(只係想要條USB而已), 跟住一試… #@!#EQ#$%#@… 都係唔得… 點知用個AC充電插牆完全可以充到電… 用番粒外置電就完全唔得… 証明左個外置電真係死左!

最後, 唯有借用人地牆座充飽電先可以繼續行程! 及後仲要在當地買過另一個外置電, 先可以令旅程順利完成… (仲要孭住ProMini條屍去畢全程Orz)

返到香港, 網上搜尋一下, 先知原來有其他師兄都遇到同一問題, 就係粒電設計得唔好, 內在組件非常容易鬆脫, 引致假充電情況, 即係面版正常, 但實際上係冇充電!

又花時間去代理交涉… 代理應該都好有經驗, 都唔駛點問就換左一隻全新既俾我…

以為好好地可以長用, 點知… 都未夠半年… 又再出現問題, 今次唔係充唔到手機… 係粒外置電自己唔能夠充電, 意思就係… 裡面既電用完, 我無辦法幫佢充電, 即係… 變左一粒用完即棄既電池!!!

搵返張發票, 原來剛好過左一年既保養期… 即係話, 無得再換了…

身價成$500既一粒外置電, 壽命竟然仲短過淘寶啲雜嘜大容量, 真係可悲…

我以後都唔會再考慮呢隻牌子啦, 拜拜! 宣洩完畢!

magic_pro_mini_8000

 

垃圾級手機: SONY XPERIA J

2013-03-09 15.59.14

從來未試過買新手機咁激氣, 同時… 亦創左有生以來最快trade走新手機紀錄, 唔夠24小時, 已經蝕住trade返走部機, 再買過另一部!

話說日前為家人選購一部入門級既android手機, 手機config已經唔係考慮重點, 因為唔會用data plan, 只打算買部擁有簡單配置, 基本功能, 可以給家人慢慢適應下智能手機既操作, 第日先再考慮upgrade高階啲既款式…

行左好多舖頭, 心目中budget大約在千五至二千間選擇… 其實款式都幾多下…

不過既然買新機, 當然唔想太舊款… 在考慮手機外型同體積後, 決定買sony的xperia j, 款式大約半年, 又有android 4… 而剛好舖頭做優惠, 本來近二千的價錢減到千六多啲… 幾吸引, 就買左佢返屋企…

惡夢開始發生…

返到屋企試既功能較廣泛(包括在舖頭測試過無問題既功能)… 問題開始一一浮現…

系統反應變得越黎越慢, 慢到連基本既上下卷動, 點擊都有時處理唔到(以為加左cheap保護貼, 已經撕走試), 電話簿內找電話打, 反應亂到有機會打錯電話俾第二個… 更莫講話開個中文手辨識叫佢認中文字…

app都只係試裝左whatsapp同蘋果日報…

輪到試用相機, 一開頭已經觸礁… 開動相機app後, 畫面一片空白! 以為自己set錯左乜野, 點知襟去用front camera又無事, 但轉返去rear camera又變返一片死白!

心諗, 嘩! 啲QC唔差成咁嘛? 咁快壞, 不過… 壞左都好過一restart完部機又得返… 簡偈性咁壞仲衰! 可能因為返到屋企先用心試, 覺得相機反應超慢, 唔係話佢對焦慢, 影相慢, 係慢到連想按下啲設定功能都有時sense唔到, 根本可以叫用唔到…

我開頭仲天真傻到有少少覺得呢種價錢買智能手機, 反應慢係大道理… 因為自己用開iphone, 用開雙核/四核android, 以為係自己唔慣入門機姐…

決定留部機給家人試一晚, 睇下從佢地既角度會唔會好啲…

點知… 都未用夠半晚, 已經打黎話我知… 用部機用到個心灰晒… 都未試過用新電話用到咁激氣, 有種感覺想盡快見唔到佢咁! (連師奶級別都接受唔到! Orz)

第二朝, 當然係返去舖頭了解情況… 結論唔係部電話壞, 係根本呢款電話就係廢物, 係垃圾… 可能係sony style… 平價貨就求其塞件次貨俾你, 貴價既xperia z, 我又唔覺有人投訴佢垃圾喎, 仲讚到天上有, 地下無添… 不過當然, xperia z既價錢就貴過xperia j三倍有多!

但我個問題係… 我唔係要求千六蚊買到部快到可以打機既智能手機, 但唔好連基本打電話功能, whatsapp同影相都好似殘廢咁丫…

因為部電話已經係賣左俾我, 又唔係壞… 唔可以退換, 唯一出路就只有trade走佢, 買過另一部機…

簡直係止蝕離場… 最終我賣走左佢, 買左部韓國大牌, 家人用得不知幾開心…

sony呢個牌子, 自從psp後… 我都好耐無幫襯過… 佢由以前係大家夢未以求既大品牌, 到而家末落到餘暉都俾其他牌子蓋過晒, 電器, 連遊戲機都無人再買sony…

衰到而家連基本質素都無保證, 下次再買電子產品… 見過鬼, 我就怕黑了…

呻完!