Jaffe的分享空間 Rotating Header Image

致 “三星電子香港” 的公開投訴信

一直都無打算公開呢封投訴信, 應該講, 本身亦無打算投訴, 自以為小事一樁, 點知… 件事被三星啲所謂售後服務, 拖下拖下, 已經過左大半個月, 電話又打過, 連投訴信都寫埋, 三星一個電話, 半個email都無覆過, 雖說只係七百蚊一部電庭laser printer, 但條氣唔順… service在那裡?

就算件產品點差, 我都好少寫上代理或廠商投訴, 但今次真係可以講係憤怒, 點知… 原來向總公司寫完投訴信如石沉大海, 回應都懶… 先係憤怒既開始…

無錯, 你公司大, 我呢啲小用家唔可以做啲乜, 只有作網上公開投訴…

— 內容如下

本人在2012年1月12日在Centralfield電腦公司購買了貴公司的Samsung ML-1865W Laser Printer, 因產品有嚴重問題, 到至今1月20日, 你們仍未妥善解決, 本人現正式向你們發出投訴!

本人因工作需要打印大量文件, 選購了你們的產品, 但在第一次使用時, printer已打印出大量黑線, 令文件無法使用! 我相信是炭粉盒有問題, 翌日1月13日立刻返回購買之店舖, 打算更換, 但店舖告知此Samsung產品沒有7日退換保證, 須由代理上門更換。同時店舖亦幫助本人測試printer, 試出是炭粉盒出現故障, 所以會錯誤打印出黑線。

本人已立即致電貴公司維修熱線36984698, 希望可以親身帶有問題的printer到維修中心立即更換! 但電話客顧服務員稱沒有此項服務, 須要預約維修人員上門更換。

最後, 維修人員終於在1月16日聯絡本人, 本人亦同時解釋printer是炭粉盒出現故障, 所以不能打印, 希望維修人員同時能帶備炭粉盒更換! 但維修人員稱上門只是檢查, 不會同時更換, 要另作安排!

1月17日, 維修員上門查看printer, 測試了確定是炭粉盒出現問題, 拍了照片及紀錄, 本人告知是急用的, 希望貴公司能儘快解決問題! 維修員稱可以在2日之內更換全新的炭粉盒!

我在1月18日已再致電到貴公司維修熱線, 希望貴公司能在農曆年前作出安排, 但接線員亦只是口頭作出跟進, 現在已經是1月20日, 貴公司對我的個案例然音訊全無。

因貴公司的產品缺陷, 令本人在1月13日至今的急件都需要到文具店或找朋友代印, 十分之不便, 亦枉費不少精神時間!

現向貴公司投訴你們的產品質素, 以及售後服務令人非常失望!

現在本人工作已完成, 雖買了printer, 但得物無所用, 文件全都是出去打印的!

現在我已不想再使用你們的產品, 請安排退貨, 請你們儘快作出適當處理!

凌先生

無論向總公司complain, 或維修代理追問換炭粉匣進度, 全部都無尾飛陀, 無回應… 部printer買左無用過, 又阻地方… 見到就眼冤…

(fault sample: 個print out印出一間間黑線咁, 仲點用?!)
samsung laser printer fault ML1865W

(部全新printer成為家中一件廢物)
Samsung ML1865W Laser Printer Failure

 

後記 (15/03/2012):

經過兩個多月既努力, 今日終於成功收到三星既refund支票… 講真, 咁大個集團, 做野真係堅慢…  由20/01/2012投訴至今, 真係差唔多兩個月… 中間每半個月我仲要打去摧進度… 少少幾百蚊cheque仔, 咁都拖咁耐先出… 真係… 大集團賺你錢就易, 由佢地手上拎返雞碎咁多… 就真係超難!

今日, 三星派人上黎收返部printer, 我好好心機將部printer pack返齊齊整整, 所有manual, 線都入晒膠袋入晒箱咁, 新既一樣…

點知, 上黎收貨位潮哥… 由我手接過部printer後, 真係隨手… 唔係講笑, 係隨手咁抛左去佢後面(即係我屋企門口走廊), 然後好型咁叫我簽個名落張收票單上, 我都呆一呆… 從佢既手位抛出去, 真係都有成米咁高… 砰一聲, 真係好大聲, 攪到我隔離鄰居都走出黎望下乜事…

我心諗, 部printer本來無壞喎, 係個炭粉盒壞姐, 經你咁掉一掉, 真係可能壞埋都唔奇… 唔知點解, 心裡突然有陣可惜…

接過支票後, 個心舒服晒, 兩個月抗戰終於取得勝利, 一陣得閒去入票先!

Leave a Reply

Your email address will not be published. Required fields are marked *

%d bloggers like this: