貓砂邊隻好? 我養左貓四年… 實在都係講唔出, 各有長短高低…
每隔一段時間, 就會想試下新貓砂, 睇下會唔會更好…
而家, 等我回憶下我用過既貓砂, 其實唔止以下咁少, 不過呢啲都係比較有印像…
第一隻用既係cat’s best, 係木砂黎… 新手養貓乜都唔識, 就聽賣家講用呢隻… 用落唔錯, 唔會臭, 但缺點就係 “貴” 同埋 “大塵”… 因為係木砂, 同埋好細粒, 所以佢好似啲泥沙咁… 好易散, 同埋好多塵會被貓帶出砂盤, 或者撥砂既時候會撥到出晒黎地下, 掂到地下啲水就結成一pat pat, 幾核突下… 同埋唔可以沖入廁所, 鏟砂都幾煩下 (但當時未知道有啲砂可以沖落廁所, 所以尚算OK)
輾轉之下, 竉物店介紹左呢隻松木貓砂俾我試, 話大粒啲, 無咁易撥到周地都係… 同埋會香啲, 咁又買包黎試下… 點知…! 被騙了! 因為呢款砂遇水即變粉… 唔會好似cat’s best咁結成一舊, 所以根本唔適合我用 W%YH%HD!^!!! (後來先知原來呢款沙只適合用落雙層砂盤, 啲砂遇水變粉, 會跌落下一層, 就唔會阻住貓貓)
上網睇, 原來”森之香”都唔少fans… 原因, 我估係平… 因為真係好平, 一袋8L都只係六十幾蚊, 比我用開既平一大截, 咁… 我就走去試下…
買嗰刻, 其實都心知不妙, 拿上手… 真係輕過羽毛, 用落就知… 真係平得有道理, 啲沙好似紙咁輕… 莫講話撥, 就算貓貓由砂盤走出黎, 都會帶唔出砂出黎, 因為啲砂太輕, 好容易就會黐在貓貓腳上, 特別係我養既係長毛貓, 啲砂會黐在手腳上, 再帶出砂盤…
聽朋友話佢用水晶砂, 好似又好地地… 又走去試下, 點知… 水晶砂凝結力都係麻麻, 吸水力又差, 貓貓尿尿完攪到個盤污糟晒! 結唔實, 撥完啲新舊砂撈到亂晒! 用完一次就算數!
之後, 想試下比較乾淨既貓砂, 竉物店遇到呢隻cat litter紙砂, 百幾蚊好大包, 諗住試下! 點知… 因少失大… 其中一隻貓貓唔肯用, 忍左兩日尿, 最後谷到疴血, 染到啲砂變左紅色我先留意到… 最後帶左去睇醫生, 白白駛多左三百幾蚊! 最後唯有變返原本用開果隻cat’s best頂住先…
上網睇forum, 有人介紹過呢隻sanmate既豆腐砂, 可以沖落廁所, 又話吸臭好, 所以買黎試下… 真係幾貴, 成百蚊一包, 得7L, 三隻貓好快就用晒, 之後上網訂, 一次買6包可以平至平均八十幾左右…
呢款砂用得最長時間, 連續用左大約年半! 不過缺點係啲砂好易散, 被貓貓踩多兩下, 撥多幾撥就變晒粉, 周圍飛… 同埋並非如包裝所講唔易 “飛散”, 吸臭力亦都唔強…
不過自從日本地震, 就經常缺貨, 又大加價… 所以最後迫住嘗試其他砂…
逛竉物店, 見到呢款紙砂, 都是sanmate出品, 凝結會變色, 好似幾好… 所以就買黎試過, 事實上凝固變色呢樣野係幾好, 可以知道邊啲砂污糟左, 方便清理… 不過, 問題就係… 凝固得唔夠實在… 所以被貓貓多撥兩下就散晒… 新舊砂混合埋晒一齊, 幾難清潔下… 要將變左色既砂一次過清理, 都唔係咁容易…
後來, 經同事介紹, 佢用緊呢隻blueno既貓砂, 話唔錯… 重點係比sanmate既紙砂平, 而家效果都幾好… 咁就試下, 真係唔錯… 不過缺點就係吸臭力麻麻… 同埋… 我相信係一般紙砂既通病, 就係凝結得唔好, 變左色既砂, 好容易同新砂混合埋一齊, 日子耐左, 成個砂盤就會變成藍白藍白既混合砂… 難以處理… 要一次過換晒成個砂盤啲舊砂… 都幾貴!
特別要一提, 原來blueno在市面有好多”假貨”, 唔知係唔係代理商既謊言… 零售店話係來自日本既水貨, 代理就堅稱係假貨囉…
我最初第一次買, 係7L的… 但後來上網睇, 原來行貨係無出7L的, 只有6.8L及8L… 後來我就小心啲, 睇到係6.8L或8L先買… 不過, 水貨平好多, 一袋7L平均只需要八十左右, 但行貨6.8L一袋平均都要九十幾… 但香港代理話水貨會嚴重影響貓貓健康, 所以… 我唔敢博了… 都係每袋貴十零蚊姐, 睇一次醫生都幾百蚊啦!
—
後記: 打完篇文先發覺, 原來呢幾年真係試左好多款貓砂, 不過其實到而家, 都仲未遇到一款真係滿意既… 貓砂都真係幾貴, 閒閒地一個月都用兩三包… 開支隨時比貓糧更高!
你好~
你記錄得好詳細呀! 勁~
我咁啱想轉貓砂, 睇到你個blog, 見你都有買過森之香, 想問下你呢隻沙凝結得好唔好呢?? 係咪同cat’s best差得遠?
我只係買過一包森之香, 印像中佢凝結都係普通咋, 同埋佢輕身, 所以貓貓出入砂盆會帶好多沙出黎, 攪到成地都係… 如果你比較鍾意用木砂吸味, 我就建議揀返cat’s best
你好,謝謝你分享…其實cat’s best 有一隻紫袋的大粒凝固木砂,你有冇用過呢? 聽講話好好用… 唔會帶砂出盆…
我用緊的豆腐砂係通心粉狀,唔錯的,紅袋的「玉米豆腐砂」,7L,我用過兩隻通心粉豆腐砂,覺得這款冇咁易踩碎(雖然比起其他砂,豆腐砂是容易碎的),但so far我隻貓未試過把砂撥成粉,只是有時佢偶爾帶一兩粒出盆,俾我踩碎 XDDD
我到現時為止仲係用緊blueno, 因為貪方便同比較平, 上網入左十二包, 應該仲有排用xd… 雖然佢表現仍然比我理想既貓砂差好遠, 不過我未有心水試其他砂住(因為怕重蹈覆徹, 貓貓又忍住唔去)
我都無留意原來Cat’s Best有大粒裝木砂喎, 但會唔會好貴呢? 其實Cat’s Best都幾係我心水, 吸臭力比較強… 有機會去望下…
你講既玉米豆腐砂, 我唔exactly知係邊隻, 我都好耐冇入竉物店睇砂, 但上網搵左啲玉米砂既資料網頁, 睇到佢應該賣點係無塵? 不過因為佢無凝結劑, 所以結唔到一舊舊, 好易被貓貓撥散…
我近排買了cat’s best的紫標來試用…
結果…佢係凝結砂,吸味、吸水都OK的,不過佢有粉塵(少少)….而且貴
由於佢比較重,貓貓帶出盤的機會唔高,但係都會夾一兩粒出盤…
反而另一隻崩解型的木砂好少粉塵,又平(約65元一包),好大粒,我見QPET有得賣,黃色袋日本包裝,8L,砂本身好輕,但吸味一般,最大問題是缺貨幾個月都未見有….
個人覺得,豆腐砂比木砂好,無粉塵,結得好,吸味好,乾淨無味,就係貴…
我又唔覺得佢太容易散(可能因為貓貓尿完後不久我會畢走佢,我貓貓只有便便先會爬砂,尿尿佢只會抓個貓砂盆)…
我用呢隻
http://www.apepet.hk/japan-envelopment-cat-litterhollow-p-2684.html
我之前用過細粒D的植物砂,貓貓整到成地都係,呢種通心粉砂就唔會喔…
佢大粒過你上面那隻sanmate,貓貓唔會咁易踢散,但係勤力的貓貓就好難講
如果佢肯試,應該有不錯的效果
我今日先收到你的留言,原來你六月已經回了我…
我用cats best green package, 可以沖得落廁所呀,用左兩年都無塞過