沙田御龍山, 價錢絕對係我心目中既豪宅級… 雖然坐落於火炭, 但售價絕對直迫跑馬地禮頓山!
有網友在示範單位拍了幾段短片, 給大家見証促銷實況:
雖然睇唔清楚"叫賣"嗰幾位所謂美女既容貌, 但單憑聲線, 絕對可媲美深水埗北河街叫賣四十蚊神奇地拖棍嗰位嬸嬸! 叫嚷聲不絕, 此起彼落, 從沒俾聽眾喘息機會, 製造成一個不可多得, 機會難逢既氣氛!
從來未聽過咁新穎既豪宅叫賣方法, 千幾萬既樓, 係一個普通打工仔一世人都無辦法買到既物業, 但叫賣如同叫你買一個四十蚊既地拖棍般輕鬆… 實在令我大開眼界, 係邊個總裁諗出黎架呢?
—
1 of 3
2 of 3
3 of 3
係咪奧海城? 我有 fd 都去左睇示範單位喎..
無錯, 就係奧海城… 我每個禮拜都差唔多會去奧海城睇戲;
最唔想見到就係新樓盤展銷會, 因為每當有展銷會, 就會有數以千計既地剷sales散佈在奧海城各地點, 以不同方式去追問你係唔係買樓, 幾千對眼不斷在你身上打量, 異常擾人…
不過我都明白呢種釣魚心態… 成千萬既樓, 真係咁好彩俾你釣到一單… 閒閒地佣金拆脹都會有幾皮野, 好難怪高矮肥瘦老嫩美醜男女老幼都紛紛在假日變身為地剷經紀…
近兩個星期打波都要路過奧海城, 所以絕對認同.
由地鐵站開始跟到出商場, 拉拉扯扯又無乜禮貌… 真係好X煩!