今日如常看星期日廉價早場, 順便利誘下自己早起~
今次睇"街頭超人Hancock", 才步入戲院, 見到充滿"兒童"… 真係充滿d唔慌會知咩叫睇戲規矩既兒童, SHIT~ 今次真係冇運行…
呢套係充滿笑料既一套電影, 但係開場無耐, 我右手邊遠處不時傳黎一d煩擾既echo聲~ 咩叫echo聲? 就係d用口睇戲既X人… 把死口無野講都要重覆戲入面既對白, 仲好鬼投入, 又唔知嘈X住晒隔離…
兩個十零歲既死o靚仔, 每到d好笑位, 都echo返戲裡面既對白, 或用口repeat多次個劇情…
"嘩! 打到d野爛晒!"
"哈! 飛咁遠!"
"哈! 九百萬!"
好彩! 呢個時候, 戲院好人出現啦~!
呢位戲院好人, 就係坐係呢對無家教細路前一排既男子漢! 聽把聲大約三十歲啦~ 佢對住兩個細路大喝:
"喂!!! 你兩個咪X嘈住晒啦!!! 套戲你睇晒呀?!!!"
—
全戲院即刻靜晒… 當時, 我真係想拍手yeah出黎!
之後, 成套戲都淨返d應該有既笑聲同拍掌聲… 好正! 咁先係睇戲嘛!
希望以後戲院多d呢種好人… 咁大家既戲票錢就駛得值勒…
嘩~~係呀~!!至憎!!!
上次我睇神探, 隔離個亞姐. 一時又: 哎呀!!!wa!!!做咩咁多人跟住佢呀? 我好驚架woo!!!. .(頂!!)
佢未驚完一時又走去o向chair 底拆佢包零食出黎 : bb!!!你食唔食旺旺呀? ( 我頂!!!)
我都好想………………丙佢!!