今朝收到強積金公司打黎俾我… 發現原來三月初政府向月入低於$10000人士強積金戶口注資既$6000大利是… 我都有份喎!
不過, 佢地打黎並唔係恭喜我… 係打黎話俾我知注錯款… 而家要收返~ 而且係冇得yes或no, 只係通知… 即係夾硬拎返$6000走, 咁… 可唔可以扣返呢幾個月戶口投資蝕左既錢, 同埋經紀費呀!?
你$6000黎, $6000走… 配合呢個時勢, 變相我戶口咪做左你既資金避難所!?
其實佢打黎之前, 我一直都唔知有注錯款發生… 強積金個戶口, 個個月都黎強姦我人工… 已經俾佢強到冇晒感覺, 仲邊會有心情去睇statement丫… 反正d錢要退休先可以享用, 到時已經唔知係乜世界, 同埋… 根據某具智慧人士計算… 當我65歲退休既時候… 戶口都積到百幾萬既… 但係… 到果一年, 港幣貶值到當yen咁駛… 可能雲吞麵都成幾千yen一碗… 靠佢果百幾萬yen… 唔知我既退休生活有幾堪苛呢可?
之前政府公佈有強積金注資錯誤, 又出黎解釋(掩飾)因為又乜又七可能性, 話可能因為d公司兩星期出一次糧, 又可能係份工做唔夠一個月, 做幾日轉左工物物… 車… 我份工, 由07年12月至08年2月… 一直都冇佢地所謂既可能性出現過…
做野唔小心就唔小心啦, 錯咪認囉! 唔好再搬咁多借口出黎賴落人地度啦唔該…
電視(好似係新聞)有講, 如果那6千大元在這段期間因投資而蝕錢, 呢班人凈係會囉返蝕剩果啲, 如果賺左, 都只會囉返6千大元啦~~~
政府真係好唔掂當!!!!d 同事都係咁講話有電話打黎話要拎番6000蚊