記得大約三年前差唔多呢個時候, 我都係blog寫過一篇咁上下既文(春假限定.街頭小吃!)…
大約係講農曆新年夜晚既深水埗好熱鬧, 好多推車小販走晒上街, 肆無忌但咁擺賣… 好多平時好少見既街頭小食都再次出現眼前…
今年年初二晚, 我又趁機會走去深水埗近高登一帶掃街, 結果, 同以前差唔多, 都好多熟食小販出現!
不過今年既推車小食價錢真係貴左好多, 兩個人是但食左小小野已經百幾二百蚊!
明既, 成本貴丫嘛… 我就話你趁機發下新年財就真啦… 新年貴, 我覺得無可厚非… 但可惜… 好難食喎!
食街邊檔好難要求話咩先叫好食, 但魚蛋、炸大腸咩味道大家心裡有數… 一個正常會吉返串魚蛋食既人, 一咬就知呢個晚上呢條街既呢班人都係求求其其昆下班趁墟既人錢…
諗住就算幾咁難食, 你地都唔會有下次, 就算有下次… 都係下一年既事, 俾你都唔會認得佢! 所以, 食左十檔, 九檔都係稱得上難食… 炸大腸皮唔脆, 辣魚蛋唔辣又唔彈牙, 碗仔翅仲稀過上湯…
最難得係啲人一樣排晒大長龍好似等上頭柱香咁唔食過唔安樂呢…
其實而家啲車仔檔小吃全部都已經入晒舖… 要食街頭小食, 真係好易… 但而家夜麻麻都貢出去食… 做顧客黎講都真係叫好有誠意!
真心希望你班發新年財友仔俾返個好印像人啦唔該!