Jaffe的分享空間 Rotating Header Image

失望再失望 – Magic-Pro ProMini 8000

到底要幾失望, 一個用家先會抽時間打篇blog黎投訴一件產品呢?

話說上年年尾, 購入輝煌Magic-Pro既一款外置式充電池, 打算去長途旅行用; 被Magic-Pro呢隻ProMini 8000 Spec吸引, 加上廠商名都叫聽過… 雖比其他牌子同類款式稍貴, 亦都選擇左佢!

點知, 惡夢就咁開始…

在旅行前用左兩個月, 都好地地既, 點知… 抵達旅行目的地既第一個晚上, 部電話電池所餘無幾, 諗住充電… 就發現個外置電突然壞左… 竟然無電出, 但面版上既LCD燈均顯示正常, 只係電話完全無反應, 彷如無插電線一樣!

人在外地, 人生路不熟, 要靠晒部電話上既GPS地圖, 上網搵資料喎… 而家流落異鄉加上就快無電先臨時失效, 內心異常之徬徨…

但當時我仲天真到覺得只係條usb線壞, 對輝煌粒電仲充滿信心… 急忙搵到間當地便利店, 以超貴既價錢買左個AC充電套裝(只係想要條USB而已), 跟住一試… #@!#EQ#$%#@… 都係唔得… 點知用個AC充電插牆完全可以充到電… 用番粒外置電就完全唔得… 証明左個外置電真係死左!

最後, 唯有借用人地牆座充飽電先可以繼續行程! 及後仲要在當地買過另一個外置電, 先可以令旅程順利完成… (仲要孭住ProMini條屍去畢全程Orz)

返到香港, 網上搜尋一下, 先知原來有其他師兄都遇到同一問題, 就係粒電設計得唔好, 內在組件非常容易鬆脫, 引致假充電情況, 即係面版正常, 但實際上係冇充電!

又花時間去代理交涉… 代理應該都好有經驗, 都唔駛點問就換左一隻全新既俾我…

以為好好地可以長用, 點知… 都未夠半年… 又再出現問題, 今次唔係充唔到手機… 係粒外置電自己唔能夠充電, 意思就係… 裡面既電用完, 我無辦法幫佢充電, 即係… 變左一粒用完即棄既電池!!!

搵返張發票, 原來剛好過左一年既保養期… 即係話, 無得再換了…

身價成$500既一粒外置電, 壽命竟然仲短過淘寶啲雜嘜大容量, 真係可悲…

我以後都唔會再考慮呢隻牌子啦, 拜拜! 宣洩完畢!

magic_pro_mini_8000

 

Leave a Reply

Your email address will not be published. Required fields are marked *

%d bloggers like this: